સંબંધ નાં તાણાવાણા ન મને કદી સમજ આવ્યા,
સંબંધે તેની વ્યાખ્યામાં ન કોને કોને સમાવ્યા!!
પળમાં કરતાં પુલકિત હૃદય સંબંધો,
પળમાં અસ્તિત્વય ભુલાવતા સંબંધો.
ક્યાંક ઝૂકતાં, ક્યાંક અક્કડ રહેતા સંબંધો,
લાગણીડાળે ઝૂલતાં,ક્યાંક છળતાં સંબંધો.
મારાપણાંથી આપણાંપણાં માં વિસ્તરતા સંબંધો,
ને આપણાંપણાંથી ઓટ લઈ વિષમતાં સંબંધો.
ન કોઈ ગણિત કામ આવે,ન દે કોઇ અનુભવ સાથ,
સંબંધે સંબંધે રંગ નવા લેતા સંબંધો.
ક્યારેક....
આ બધાજ થી પર થઈ હું,
જોયાં કરું છું... અનુભવ્યા કરું છું
આ સંબંધોની
આવનજાવન ને!!!
